by KaiakoMāori
Kua rongorongo ake ahau E haere ana koe e taku tau E whakawhiti ana te Moana nui a Kiwa e Ka patupatu ake taku manawa Ka whakarangirua i aku mahara Auē tama ko taku aroha E kore rawa e mutu mai Waiho rā mā te wā Koutou e tama mā E whakahoki mai Kia awhiawhi atu aku ringa nei Ki tō uma piri ai
Categories: Uncategorized • Tags: farewell, WWII
by KaiakoMāori
1. Tomo mai e Tama mā ki roto, ki roto I ngā ringa e tuwhera atu nei Ki ngā mōrehu o te Kiwi e Ki ngā Tama Toa o tēnei riri nui Hoki mai, hoki mai ki te wā kāinga Kua tutuki te tūmanako Kei te kapakapa mai te haki, te haki O Ingarangi i runga Tiamana e 2. Hoki ruarua mai e Tama mā Ki ngā iwi e tatari atu nei Kua mahue atu rā ngā tini hoa Ki […]
Categories: Uncategorized • Tags: welcome home, WWII
by KaiakoMāori
Pā mai tō reo aroha Ki ngā pā o [Whanganui*] E ngā iwi o Aotearoa Haere mai, haere mai Titiro ki ngā hoia kua wehe nei Aue te aroha me te mamae (Wahine) E ngā iwi o Aotearoa (Tāne) Tahi me te toru e Tā i te marumaru Whare tapu teitei Te ao korowhiti Haere mai, haere mai Kia kaha! Kia manawanui!
Categories: Uncategorized • Tags: welcome, WWII
by KaiakoMāori
Hitara waha huka, upoko mārō He tangata tohetohe ki te riri e! Hinga atu, hinga mai i runga o Ruhia! Ka whēru āna mahi! Hei! Aue, aue! Tū hikitia rā, tū hapainga mai Te rau o tō patu ki runga upoko – Hoatu, e tama – karia te kauae o Te purari paka nei a Hitara e! Kua rongo a Mahurini, kua tata tonu mai A Te Hokowhitu Toa ki Roma e Hiki nuku, hiki rangi! Kore rawa he rerenga […]
Categories: Uncategorized • Tags: WWII
by KaiakoMāori
E te Hokowhitu a Tū kia kaha rā Kati rā te hingahinga ki raro rā Mā ngā whakaaro kei runga rawa Hei ārahi ki te ara e tika ai Whirinaki, whirinaki tātou katoa Kia kotahi rā Ngā marae e tū noa nei Ngā maunga e tū noa nei Aue rā e tama mā Te mamae te pouri nui E patu nei i ahau ina Kia kotahi rā Ngarimu auē Anei ō mokopuna e, e tangi nei
Categories: Uncategorized • Tags: Tuini Ngawai, WWII
by KaiakoMāori
Arohaina mai e te Kīngi nui Manaakitia rā ō tamariki Horahia mai rā te mārie nui Ki te Hokowhitu-a-Tū toa Ngā mamaetanga me ngā pōuri nui Pēhea rawatia ki raro rā e Me anga atu ka karanga ki Te Matua Auē aroha mai Ngā hapū katoa o Aotearoa e Tauawhitia rā ki tōku rongo Kia mau te tīhei mauri ora o ngā tūpuna Hei tohu wehi e
Categories: Uncategorized • Tags: Tuini Ngawai, WWII
